Тұрғындардың өтініш-тілектері назарға алынды
Бүгін «Әділет» партиясы Қазалы аудандық филиалында Қазалы ауданы әкімінің орынбасары Сүйеубаев Жалғас Оңғарұлы бекітілген кестеге сәйкес аудан тұрғындарын жеке мәселелері бойынша қабылдады.Қабылдау барысында тұрғындар тұрақты жұмысқа орналасу, аяқ су мәселесі және көшелердің тазалығы мен абаттандырылуына қатысты мәселелерін көтерді. Аудан әкімінің орынбасары азаматтардың сауалдарын тыңдап, қолданыстағы заңнама аясында тиісті түсіндірмелер беріп, көтерілген мәселелерді шешу жолдарын қарастырды.
Сонымен қатар, Жалғас Оңғарұлы көтерілген мәселелер бойынша жауапты сала мамандарына тиісті тапсырмалар беріп, тұрғындардың өтініштерін жан-жақты қарауды тапсырды. Азаматтардың ұсыныс-пікірлері назарға алынып, мәселелердің шешілуі бойынша тиісті жұмыстар жүргізілетіні айтылды.
