Аумағы 32 гектар болатын бақ ішінде атқарылып жатқан жұмыстар жөнінде Қазалы орман және жануарлар дүниесін қорғау жөніндегі мекемесі директорының орынбасары Тілепберген Мұхамбетов толыққанды айтып берді.

Бүгінгі таңда 17 гектар жерге сексеуіл көшеті, 13 гектарға түрлі ағаштардың көшеті өсірілуде. Мұнда егілген сары өрік, қара өрік, шие көшеттері жайқала өсіп, жыл сайын жеміс беріп тұр. Одан бөлек, сыр талы, алма ағашы да отырғызылды. Сондай-ақ бақ ішінде Көкшетау қаласынан әкелінген катальпа, сумах, айлант, емен, шығыс бозаршасы (туя), арша (можевельник) секілді саялы ағаштарының тұқымдары егіліп, жерсіндірілуде.