Қазалы аграрлы-техникалық колледжінде Жаратылыстану –математика пәндер бірлестігінің ұйымдастыруымен «Рухани жаңғыру: жаңғыру кілті білімде» атты пән апталығының аясында «Жаңартылған білім беру жағдайында жаратылыстану – математика пәндерін оқытуды ұйымдастырудың инновациялық амалдары» тақырыбындағы қалалық семинары өткізілді.

Семинарды колледж директоры Исмайлов Темірбек Кәнішұлы ашып, семинарға қатысушылардың жұмысына сәттілік тіледі. Семинарға Қазалы қаласындағы М.Горький атындағы №16 орта мектеп-лицейі, Ғ.Мұратбаев атындағы №17 орта мектеп, Қ.Нұрмаханов атындағы №95 орта мектеп мұғалімдері мен Қазалы аграрлы - техникалық колледжінің оқытушылары қатысты. Семинарға қатысушылар үлгілі сабақ, панорамалық сабақ, шығармашылық іс - тәжірибелерін ортаға салды. Шара соңында семинарға қатысушылар колледж әкімшілігінің Алғыс Хаттарымен марапатталды.