Патриоттық тәрбие – тәрбие негізі

Ғани Мұратбаевтың мемориалдық музейінде "Патриоттық тәрбие - тәрбие негізі" атты студенттер мен оқушылардың ауған соғысы ардагерлерімен кездесу кеші болып өтті. Шараны Қазалы қаласы әкімі аппаратының бас маманы Ө.Утегенов ашып, Ауған соғысында қаза тапқан жауынгерлерді еске алу үшін 1 минут үндіздік жарияланды.

Шараға келген қонақтар Қазалы аудандық ауған соғысы ардагерлері мен мүгедектер Одағы «Ардагер» қоғамдық бірлестігінің төрағасы А.Әлиев пен ауған соғысы ардагерлері Ж.Алмағамбетов, Б.Өмірзақов, Қ.Илясов және мәдениет қызметкерлері, колледж оқытушылары мен студенттері қатысты. Ардагерлер жастарға отанды сүю, елін қорғау, батырлық пен ерлік ұғымдары туралы өз ойларымен бөлісті. Қазалы аудандық мәдениет және тілдерді дамыту бөлімінің өкілі Р.Әбенов сөз алып, елін сүйетін патриот жастардың көп болуын тіледі. Сондай-ақ, қонақтар «Ауған ақиқаты» атты виртуалды көрмемен танысып, қалалық мәдениет Үйінің қызметкері Е.Айдаровтың термесі мен музей жанындағы «Жас ғанитанушылар» үйірмесі мүшелерінің өлең-жырларын тыңдады. Шара барысында аталмыш үйірменің І-ші түлектерімен қоштасу рәсімі өткізіліп, Қ.Нұрмаханов атындағы №95 және Ғ.Мұратбаев атындағы №17 мектептердің 7 сынып оқитын жас ғанитанушыларына музей директорының «Алғыс хаты» табысталды. Шара соңында музей директоры Р.Шорақызы шараға келген қонақтарға игі тілегін білдіре отырып, музей қызметкерлерінің жинақтауымен баспадан шыққан «Ғанидың қазалылық ізбасарлары» атты жинақты сыйға берді.