Қазалы аудандық сотында аймақтық оқу орталығының ұйымдастыруымен семинар сабағы өтті.

Шараға Арал, Қармақшы, Қазалы аудандық және Байқоңыр қалалық соттарының төрағалары мен судьялары қатысты.

Қазалы аудандық сотының төрағасы Дидар Мұратбекұлы семинарды ашып, қатысушыларды күн тәртібімен таныстырды.

Семинар барысында судья Г.Тиштикбаева ««Сот актілерін жаңадан ашылған немесе жаңа мән-жайлар бойынша қайта қарау жөнінде іс жүргізу» туралы, Байқоңыр қалалық сотының төрағасы М.Тұрғанбаев «Қылмыстардың қайталануы, қылмыстардың қауіпті қайталануы» тақырыптары бойынша баяндамаларын жасады.

Өз кезегінде судья Н.Бекетаев соттармен ҚР ӘҚБтК-нің 44-тарауы бойынша шағымдарды қарау жөнінде түсіндірме берді.

Семинарға соңында қатысушылар аталған тақырыптар бойынша өзекті сұрақтарды талқылап, тиісті ұсынымдар айтылды.