Қазалы аудандық сотында ҚР ҚК-нің 188 -бабының 1-бөлігімен айыпталған А.-ға қатысты қылмыстық іс қаралды.

Сотта анықталғандай сотталушы А. бөтеннің мүлкін жасырын жымқыру мақсатында жәбірленуші П.-ның құны 50 000 теңге тұратын «Самсунг Галакси J-2» маркалы ұялы телефонын жасырын жымқырып, қылмыс болған жерден бой тасалап кеткен.Нәтижесінде жәбірленушіге 50 000 теңге көлемінде мүліктік залал келтірген.

Басты сот отырысында сотталушы А.жасаған қылмысын толығымен мойындап, қазіргі уақытта істеген ісіне шын жүректен өкінетінін және жәбірленушімен медиация тәртібімен татуласқандарын айтып, сотқа дауды медиация тәртібімен реттеу туралы келісімді ұсынды.

Сот қаулысымен А.-ға қатысты қылмыстық іс тараптардың өзара медиация тәртібімен татуласуына байланысты өндірістен тоқтатылды.

Қаулы заңды күшіне енбеген.