15 қазалылық оқушы жеңімпаз атанды
15 қазалылық оқушы Қазақстан Республикасының Тұңғыш Президенті – Елбасы Қорының «Ел үміті» жобасы негізінде өткізілген «Мың бала» Ұлттық олимпиадасының жеңімпазы атанып, аудан абыройын асқақтатты.Бүгін республикалық білім сайысында жеңімпаз атанған шәкірттерді аудан әкімінің орынбасары Ғалымжан Еркебай құттықтап, Қазақстан Республикасының Тұңғыш Президенті – Елбасы Қорының атынан бағалы сыйлықтар (ноутбук) табыстады.
Айта кетейік, Ұлттық олимпиада нәтижесімен жеңіске жеткен ауданның 15 оқушысы, оның ішінде №170 орта мектепте білім алған Дарханұлы Ерасыл қазіргі таңда республикалық физика-математика мектебінің оқушысы атанып, облыс әкімі Гүлшара Әбдіқалықованың қабылдауына қатысса, қалған 14 оқушы аудан әкімінің орынбасары Ғалымжан Бақтығалиұлының қабылдауында болды.
"ҚАЗАЛЫ" ақпарат
