Әйтеке би кентіндегі «Жалаңтөс баһадүр» атындағы орталық стадионда 29-30 қараша аралығында 1 желтоқсан – Қазақстан Республикасының Тұңғыш Президенті күніне жасөспірімдер арасында шахматтан аудандық жекелей жарыс өткізілді.

Шарада шахматтан аудан бойынша барлығы 9 мектептен 24 оқушы қатысып, өзара бақ сынасты. Нәтижесінде №226 мектеп гимназияның оқушысы Әлішер Орысбай жеңіс тұғырынан көрінді. №70 орта метептен Дидар Тасболат екінші орынға жайғасты. Ал №16 орта меткептің оқушылары  Нұрхан Қалымбет мен Сұлтан Валиев үшінші орынды қанағат тұтты.

Қыздар арасында №266 мектеп-лицей оқушысы Оңғарбек Нұрсезім бірінші орынды жеңіп алды.  №16 орта мектептен шыққан Аяулым Оспан екінші орынды иемденді.  №70 орта мектептен Жания Изатолла  мен №226 мектеп гимназиядан Айлуна Сейілхан үшінші орынды қанжығасына байлады.

Жеңімпаз командаларды аудандық дене шынықтыру және спорт бөлімінің басшысы Нұрлыбеки Есбосынов және Қазалы аудандық шахмат федерациясының президенті Құбыл Ршымбетов шынайы құттықтап, арнайы алғыс хаттармен марапаттады. Сондай-ақ, медельдар және бағалы сыйлықтар табыс етілді.

Мерекелік жарысты жоғары деңгейде өтуіне Қазалы спорт клубынының шахмат үйірмесінің жетекшісі, бас төреші Әбдірейім Шүренов сүбелі үлес қосты.