Сарыбұлақ ауылдық кітапханасы мен ауылдық клубтың ұйымдастыруымен жанашыр жобасы аясында мүмкіндігі шектеулі жан, І-топтағы мүгедек Бауыржан Қожабергеновпен рухани күш беру мақсатында «Өз өмірің өз қолыңда» атты қайырымдылық кеші өткізілді.

Кешке ауыл тұрғындары, мектеп мұғалімдері, кәсіпкерлер қатысып, клуб қызметкерлері өз өнерлерін көрсетті. Бауыржан М.Шахановтың «Жігерлендіру» өлеңін жатқа оқыды. Оған ауыл әкімі, мектеп , клуб, кітапхана ұжымы және кәсіпкер Д.Орынбаева демеушілік жасады. Іс-шараны ұйымдастырған клуб, кітапхана кеңесінің қызметкерлеріне Бауыржанның ата-анасы өз алғыстарын білдірді.