Биыл мемлекеттік қызметкерлер саны қысқарады
Президент Қасым-Жомарт Тоқаев Қазақстанға мемлекеттік басарудың жаңа моделі қажет деп мәлімдеді, "Осы жылдан бастап мемлекетті қызметкерлердің саны біртіндеп қысқарады. Үнемделген ақша олардан гөрі пайдалырақ қызметкерлерді материалдық ынталандыруға жұмсалады", - деді Тоқаев президенттік жастар кадрлық резервімен кездесуінде. Айтуынша, 2024 жылға қарай мемлекеттік қызметшілер мен ұлттық компаниялардың жұмысшылар саны 25 процентке азаяды. "Қазақстанға мемлекеттік басқарудың жаңа моделі қажет. Қоғамның сұраныстарына жауап беретін, тиімді әрі әділ. Сонымен бірге ол ең заманауи технологияларды қолдануға негізделуі тиіс. Осының барлығын ескеріп, біз мемлекеттік басқару жүйесін реформалауға кірістік"- деді президент. Айта кетсек, Ақордада мемлекет басшысы Қасым-Жомарт Тоқаев президенттік жастар кадрлық резервімен кездесті. Президенттің кадрлық резерві мемлекеттік қызметтің барлық деңгейіне жастарды тарту үшін құрылды. Алғашқы тізімге 300 адам еніп отыр.
