Қазалы Qazaly.kz ақпараттық агенттігі
» » Тоқаев Ақордада алғаш рет кадрлық ауыс-түйіс жасады

Тоқаев Ақордада алғаш рет кадрлық ауыс-түйіс жасады

ҚР президенті кеңсесінің бастығы мен ҚР президентінің іс басқарушысы жаңадан тағайындалды. Мемлекет басшысы Қасым-Жомарт Тоқаевтың жарлығымен ҚР президенті кеңсесінің бастығы мен ҚР президентінің іс басқарушысы ауысты, деп хабарлады Ақорданың баспасөз қызметі.

Қазақстан Республикасы президенті кеңсесінің бастығы болып Нұрлан Онжанов, ал ҚР президенттің іс басқарушысы болып Ерлан Баттақов тағайындалды.
"Нұрлан Баймолдаұлы Онжанов ҚР президенті кеңсесінің бастығы болып тағайындалсын, ол ҚР Президентінің көмекшісі қызметінен босатылсын.

Ерлан Еркінұлы Баттақов ҚР президентінің іс басқарушысы болып тағайындалсын, ол ҚР президентінің іс басқарушысы міндеттерін уақытша атқарудан босатылсын", - делінген қос жарлықта.

Айта кетсек, 2019 жылдың 19 наурызында Нұрсұлтан Назарбаев президенттік өкілеттігін тоқтатып, алты жыл сенат төрағасы болған Қасым-Жомарт Тоқаев Қазақстанның мемлекет басшысы болды. Ол 20 наурызда салтанатты түрде Қазақстан халқына ант берді.


22 наурыз 2019 ж. 2 297 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031