Кәсіби тұрғыда дамуына үлкен септігін тигізеді
Мемлекет басшысы Қ.Тоқаевтың жастар жылындағы жағымды жаңалықтарының бірі Президенттік жастар кадрлық резерві болды. Резерв дарынды, қызметіне адал, тәжірибелі жастар үшін жоғары лауазымдарға тағайындалу үшін ашық және тиімді әлеуметтік саты болмақ.Сондай-ақ, резервке үміткерлерге қойылатын біліктілік талаптардың қолжетімділігі, үміткерлердің санына шектеудің қойылмауы, іріктеуге қатысудың шығын талап етпеуі қуантады.
Президенттің бұл бастамасына мемлекеттік қызмет саласының ардагері ретінде мен өте жоғары баға беремін. Себебі осы саланың «отымен кіріп, күлімен шығып жүрген» жастар жетерлік. Олар өзінің білімділігіне қарай Елордаға барып, министрліктерде жұмыс істей алады.
Президенттік жастар кадрлық резерві көзінде оты бар, жүрегі елім деп соғатын жалынды жастарды іріктеп, олардың кәсіби және тұлғалық тұрғыда дамуына үлкен септігін тигізетіні сөзсіз.
Ұлзада ӘБІЛДӘ,
мемлекеттік қызмет саласының ардагері.
Ү.Түктібаев ауылындағы әйелдер кеңесінің төрайымы.
