Айтулы шараға тіл жанашырлары, «Қазақ тілі» қоғамының мүшелері, бастауыш ұйымдарының өкілдері, балабақша тәрбиешілері, БАҚ өкілдері, жастар қатысты.

Әйтеке би кенттік клубында шараға жиналған қауымды Қазалы ауданының ішкі саясат бөлімі басшысы Әліби Берікұлы алда келе жатқан қасиетті де қастерлі ұлы мереке – Тәуелсіздік күнімен және «Қазақ тілі» қоғамының 30 жылдық мерейтойымен құттықтап, сөз сөйледі.

«Қазақ тілі» қоғамы - ұлттың тілі мен мәдениетін, әдебиетін және салт-дәстүрін сақтап оны одан әрі дамытуға ерекше атсалысып келе жатқан бірлестіктердің бірі.

Кеште сөз алған аудандық «Қазақ тілі» қоғамының төрағасы Айберген Жүсіпұлы қоғамның көптеген ауқымды істерге мұрындық болып, облыстық, қалалық, аудандық әкімшіліктермен, олардың жанындағы тілдерді дамыту құрылымдарымен, сондай-ақ, жергілікті БАҚ өкілдерімен бірлесе тығыз қарым-қатынаста атқарған жұмыстарын тілге тиек етті.

Салтанатты тарихи-сазды кеште ішкі саясат бөлімінің басшысы А.Абиев №182 мектептің директоры Таңмамбетов Жетібай Сұлтанұлына ІІ дәрежелі «Қазақ тілі» медалін, аудандық пошта байланыс торабының бастауыш ұйым төрайымы Шманова Әлияш Жалмаханқызы мен «Евразия-пресс» ЖШС аудандық филиалының бастауыш ұйым төрайымы Аймағанбетова Гүлсім Ақжігітқызына «Абай аманаты» төсбелгісін табыстады.

Бірқатар тіл жанашырлары республикалық «Қазақ тілі» қоғамының «Құрмет грамотасымен», облыстық, аудандық тіл қоғамы басшыларының «Алғыс хаттарымен» марапатталды. Шара соңы концерттік бағдарламаға ұласты.