Ыстанбұлдағы қазақтар жер сілкінісінен зардап шеккендерге 160 мың долларға гуманитарлық көмек жіберді
Қазақстанның Ыстанбұлдағы Бас консулдығы, еліміздің белсенді азаматтары, студенттер және жергілікті қазақ диаспорасы Түркияның алапат зілзала салдарынан зардап шеккен аймақтарына гуманитарлық көмек жолдау бойынша тоқтаусыз белсенді жұмыс істеп жатыр, деп хабарлайды.azattyq-ruhy.kzҚР СІМ мәліметінше, осы уақытқа дейін сомасы шамамен 160 мың АҚШ долларын құрайтын көмек жиналып, жөнелтілді. Атап айтқанда, балалар тағамдары, балалар киімдері, жөргектер, азық-түлік, жылы киімдер, көрпелер және т.б. қажетті өнімдер жіберіліп жатыр.
Гуманитарлық көмек түрік билік органдарының келісімімен жасалуда.
Бас консул Әлім Байел бүкіл Қазақстан жұмылып бауырлас Түркияға қолдау көрсетіп жатқан сәтте бұл көмекке өз үлесін қосып жатқан Ыстанбұлдағы қазақтарға алғыс айтты.
