Жомарт жанның жақсылығы

Басықара ауылындағы "Басықара баба" мешітінің жанынан 150 орындық асхана ашылды. Ғимарат құрылысы осы жердің тумасы, Қарағандының тұрғыны "Карэлектрспецстрой" жауапкершілігі шектеулі серіктестігінің директоры Бахтыбай Тобабергеновтың демеушілігімен тұрғызылды.

Ауыл әкімі Д.Алпысбаевтың ұйымдастыруымен, ауылдағы мекеме басшыларының және Тыныбаев атындағы су торабының диспечері Бақытбек Рахметовтың қолдауымен жаңадан ашылған асханада ауыл ардагерлері мен зейнеткерлерге арнап ас беріп, құран бағышталды.

Сонымен қатар, Басықара бабаның және жомарт жүректі азамат Бахтыбай Ерғалиұлының туыстары мен өзге де өмірден өткен азаматтардың рухтарына құран қатым жасалды. Асқа "Жанқожа батыр" орталық мешітінің бас имамы Берік қажы Сүлейменов қатысты.