Соғыс ардагерін мерекемен құттықтады

9 мамыр Ұлы Жеңіс күніне орай Басықара Ауылдық Клубы ұжымы ауыл көлеміндегі мекеме басшыларымен бірге Басықара ауылының тұрғыны ,Ұлы Отан Соғысының ардагері Мырзатаев Пірназаровты мерейлі мерекесімен құттықтау үшін ақсақалдың шаңырағына ат басын тіреді.

Ауыл əкімі Г.Сейсенов, балабақша меңгерушісі, мектеп директоры, клуб меңгерушісі мен қызметкерлері жəне ауыл əкімшілігі ұжымы, Ə.Тыныбаев атындағы су торабы қызметкерлері барлығы ауыз бірлікпен қарияның хал-жағдайын сұрап, үлкендері ақсақалмен біраз қауқылдасты. Атайды төл мерексімен құттықтап келген қауым шапан жауып, əлі де ұзақ ғұмыр тіледі. Қуанышпен қарсы алған ардагер атамыз барлық басшылар мен мекеме қызметкерлеріне ақ батасын берді.