Қазалы Қазалы аудандық қоғамдық-саяси газет
» » » Өлкені тану – тарихты білу

Өлкені тану – тарихты білу

Елбасы Н.Назарбаевтың «Болашаққа бағдар: рухани жаңғыру» бағдарламалық мақаласында: «Патриотизм кіндік қаның тамған жеріңе, өскен ауылыңа, қалаң мен өңіріңе, яғни туған жеріңе деген сүйіспеншіліктен басталады. Сол себепті, мен «Туған жер» бағдарламасын қолға алуды ұсынамын. Оның ауқымы ізінше оп-оңай кеңейіп, «Туған елге» ұласады», – деп атап көрсеткен болатын. Осы орайда оқушыларды өлке тарихын зерделеуге ынталандыру және Елбасының бағдарламалық мақаласынан туындайтын іс-шараларды іске асыру мақсатында «Атамекен» бағыты бойынша Шәкен ауылындағы №134 орта мектепте «Өлкетану» мұражайын ашу жоспарланған.
Соған байланысты мектепте «Туған елдің тарихын тану – ортақ парыз» тақырыбында аймақтық семинар ұйымдастырылды. Бұндағы мақсат – Тапа елді мекені аумағынан көп жылдан бері жинақталған көне жәдігерлерді оқушыларға кеңінен таныстыру.
Шараға ауыл әкімі Т.Сермаханов, Тапа елді мекенінің тұрғыны, көне жәдігерлер жинақтаушы А.Жұмабеков, ауылдық емхана мен мәдениет үйі, №259 мектеп ұжымы шақырылды.
Аймақтық семинарда №134 орта мектеп директоры О.Роман құттықтау сөз сөйлеп, әлеуметтік-педагог Ш. Жаңабаева мектептің тарихымен таныстырды. Көне жәдігерлерді жинақтаушы А.Жұмабеков оқушыларға құм қойнынан тапқан құнды заттарын көрсетіп, әрқайсысын жеке-жеке түсіндіріп берді. Бұдан кейін шараға жиналғандар кітап көрмесін тамашалады. Семинар кезінде мектеп тәлімгері А. Баймұратова ұйымдастырған «Кемелді Жолдауға – өрендер қолдауы» тақырыбында оқушылар шығармашылығынан мерекелік концерт қойылды.
Ұлболсын ТАЛАПБАЕВА.
31 қаңтар 2018 ж. 887 0

Руханият

Өмір туралы өсиет

Өмір туралы өсиет

13 қыркүйек 2019 ж.
Ой салар әңгімелер

Ой салар әңгімелер

13 қыркүйек 2019 ж.
Үш жау

Үш жау

12 қыркүйек 2019 ж.
Ықылас

Ықылас

11 қыркүйек 2019 ж.
Ауыл өмірі айшықталған

Ауыл өмірі айшықталған

11 қыркүйек 2019 ж.

Жаңалықтар мұрағаты

«    Қыркүйек 2019    »
ДсСсСрБсЖмСбЖс
 1
2345678
9101112131415
16171819202122
23242526272829
30