Жас ұлан – жаңа әлемде

Сарбұлақ ауылындағы №78 мектептің тәлімгері Шертай Ерханның ұйымдастыруымен «Жас ұлан-жаңа әлемде» акциясы аясында "Балалар әлеміндегі игі істер" бағыты бойынша «Қазақстан-мейірімділік мекені» атты қайырымдылық іс- шарасы өткізілді.

«Қайырымдылық жасасаң, қайырымын өзің көресің» - деген екен дана халық. Қайырымдылық - халқымыздың ең ізгі қасиеттерінің бірі. «Жанашырлыққа - жан риза» дегендей , қамқорлыққа алынған балалардың жанашыр қамқоршысы болып, аялы алақанын тосып, жүрек жылуын ұсыну, сауабы мол іске ат салысу әрбір адамның азаматтық парызы.Қамқорлық жасау арқылы арқылы адам баласы жақсылыққа қадам бастайды.

Іс-шараның басты мақсаты балаларды орта біліммен толық қамтылуына жағдай туғызу. Маңызды міндетіміз қамқорлық жасау.«Жылуы жоқ үйден без, қайырымы жоқ биден без»,- дегендей қайырымдылық, адамгершілікті биік ұстап, кісілікті ту етіп, жылы лебізін аямай, қолдан келген жәрдемін ұсынып, достық пейілдерін таныту әрбір адамның міндеті десек артық айтпаған болар едік.Іс-шараға мектеп жасұландары белсене қатысты.