Қазалы Қазалы аудандық қоғамдық-саяси газет
» » » Өркендеуде фольклорлық ансамбль құрылды

Өркендеуде фольклорлық ансамбль құрылды

Жақында Өркендеу ауылдық клубында «Мәдениеттің бастауы – клубтардан» атты аудандық семинар өтті. ҚР тұңғыш Президенті, Елбасы Н.Назарбаевтың «Болашаққа бағдар: рухани жаңғыру», «Ұлы даланың жеті қыры» бағдарламалық мақалалары аясында ауыл мәдениетін жандандыру мақсатында ұйымдастырылған шараға аудандық мәдениет және тілдерді дамыту бөлімі қолдау көрсетті.
Мәдени басқосуға облыстық халық шығармашылығын дамыту және мәдени-продюсерлік орталығы директорының орынбасары Рая Ділімбетова қатысып, өнерпаздар шығармашылығын бағалады. Аудандық мәдениет және тілдерді дамыту бөлімінің басшысы Болат Жолтаев пен Өркендеу ауылдық округінің әкімі Нәби Үргенішбай сала қызметкерлеріне шығармашылық өрлеу тіледі.
Семинар барысында ауылдық кітапхана кітаханашысы Несібелі Нұрадин мәдениет қызметкерлеріне Оғыз мемлекетінің Жанкент шаһарының тарихын баяндап берді. Бұдан соң қонақтар №104 орта мектебі мен №5 "Аққоян" балабақшасы дайындаған көрмені тамашалап, клуб жұмысымен танысты. Сонымен бірге клуб мамандары сахна мәдениеті мен үйірме жұмыстарын жүргізу жолдарын видео роликтер арқылы көпшілікке ұсынды. Сондай-ақ «Жанкент» фольклорлық ансамблінің тұсауы кесіліп, көркемөнерпаздар өз өнерлерін ортаға салды.
Шығармашылық шарада Рая Дөңесбайқызы мен Болат Әбенұлы семинарды қорытындылап, бір қатар өнерпаздарды алғыс хаттармен марапаттады.
Б.РСАЛЫ,
Өркендеу ауылдық клубының меңгерушісі
07 тамыз 2019 ж. 158 0

Жаңалықтар мұрағаты

«    Тамыз 2019    »
ДсСсСрБсЖмСбЖс
 1234
567891011
12131415161718
19202122232425
262728293031