Жас ақындар топ жарды
Жақында облыстық халық шығармашылығын дамыту мен мәдени-продюсерлік орталығы мен Жалағаш аудандық мәдениет және өнерді дамыту орталығының ұйымдастыруымен облыстық ақындар айтысы өткізілді. «Тұғыры биік мәңгілік ел» атты шарада айтыскерлер Астана қаласының 20 жылдығы, Қызылорда қаласының 200 жылдығы, Төлеубай Үркімбаевтың 120 жылдығын өлең-жырға арқау етті. Сүбелі сөз сайысында өнер көрсеткендер арасында біздің жерлестеріміз де бой көрсетті.Ақындар айтысында Майдакөл ауылдық клубынан жас ақындар үйірмесінің мүшелері №98 мектептің 10 сынып оқушысы Бекзат Серік бірінші орын иеленсе, 11-сынып оқушысы Бекзат Әбдіқан үшінші орын иегері атанды. Өнерлі өрендерді дайындаған жетекші, ақын, дәстүрлі әнші Ермекбай Ағырай.
И.АҒЛЕПЕСОВА
