ТЕМІРЖОЛ САЛАСЫНЫҢ АРДАГЕРІ АЛҒАШҚЫЛАРДЫҢ БІРІ БОЛЫП ДАУЫС БЕРДІ
Бүгін Қазалы ауданында жергілікті уақыт сағат 7.00-де республикалық референдумда дауыс беру басталды. Аудандағы барлық 38 референдум учаскелерінде Мемлекеттік Әнұран орындалып, азаматтар дауыс бере бастады.Әйтеке би кентіндегі №56 референдум учаскесінде теміржол саласының озаты, КСРО темір жол қауіпсіздігінің үздігі, Құрметті теміржолшы, Қазалы ауданының құрметті азаматы Жақсылық Көрпебаев алғашқылардың бірі болып дауыс беріп, саяси науқанның жоғары деңгейде өтуіне батасын берді.
Айта кетейік, бүгінде аудан халқының саны 78967 адамды құрайды, оның 46714-і дауыс беруге қатысады. Аудан бойынша 38 референдум учаскесі жұмыс жасауда.
Тұрғындардың дауыс беруге қатысуға белсенділігін арттыру мақсатында рефрендум учаскесі бойынша 1, 100, 500, 1000, 2000-ыншы және ең алғашқы дауыс беруші мен ең қарт дауыс берушіге арнайы сыйлықтар беріледі.
