ЖАҢАҚОРҒАНДЫҚ АРДАГЕР РЕФЕРЕНДУМДА ДАУЫС БЕРДІ
Жаңақорған аудандық ардагерлер кеңесінің төрағасы Өмірсерік Тақырбасов республикалық референдумға қатысып, өз таңдауын жасады.
Ардагер дауыс беру учаскесіне арнайы келіп, ел өміріндегі маңызды саяси науқанға азаматтық белсенділік танытты. Оның айтуынша, референдум – ел болашағына бейжай қарамайтын әрбір азамат үшін маңызды қадам.
Өмірсерік Тақырбасов мұндай саяси науқандарға қатысу әрбір тұрғынның азаматтық борышы екенін атап өтті. Сонымен қатар, ол тұрғындарды елдің келешегіне қатысты маңызды шешімдер қабылданатын референдумға белсенді қатысуға шақырды.
