“ҚазАвтоЖол“ жүргізушілерге ескерту жасады
“ҚазАвтоЖол“ жүргізушілерге ескерту жасады
Фото: depositphotos.com"ҚазАвтоЖол" жүргізушілерге ауа райының нашарлауына байланысты ескерту жасады, - деп хабарлайды Massaget.kz.
"Абай облысында 4 қарашада түнде облыстың батысында, солтүстігінде, оңтүстігінде жауын-шашын, көктайғақ, күндіз жауын-шашын, көктайғақ күтіліп отыр. 5 қарашада қар жауып, бұрқасын, көктайғақ болады, облыстың батысында, солтүстігінде, шығысында қалың қар жауады", - деп хабарлады Ұлттық компания.
Ведомствоның мәліметінше, облыстың солтүстігінде, шығысында тұман түседі. Оңтүстік-шығыстан соғатын жел оңтүстік-батысқа, батысқа ауысады, екпіні 15-20, облыстың оңтүстігінде, шығысында кей уақыттарда 23-28 м/с. Ауа температурасының 5 қарашада түнде және күндіз 5-10 аязға дейін төмендеуі күтіледі.
"ҚазАвтоЖол" тұрғындардан жолда жүру ережелерін қатаң сақтап, ауа райының қолайсыздығын ескеріп, ұзақ жолға шықпауды сұрады.
