Ауданда сенбілік жұмыстары ұйымдастырылды
Елімізде «Таза Қазақстан» тазалық акциясы тек науқан ғана емес, ол әр адамның және барша халықтың күнделікті дағдысына, өмір салтына айналды. Әр сенбі сайын қазалылықтар қоршаған ортаның тазалығына бір кісідей атсалысып, сенбілік шарасын ұйымдастырады.
Бүгін аудан әкімі Алмасбек Есмаханов аудан орталығы - Әйтеке би кентінде ұйымдастырылған сенбілік жұмыстарын аралап көріп, игі іске атсалысып жатқан барша азаматтарға алғысын жеткізіп, сәттілік тіледі. Сондай-ақ тиісті сала басшыларымен бірге Әйтеке би кентінде алда атқарылатын жобаларды талқылап, санитарлық тазалық жұмыстары бойынша жауаптыларға нақты тапсырмалар берді.
Тазалықты сақтау – ортақ іс, ал оны насихаттау арқылы ауданымыздың келбетін жақсарту әрі тұрғындардың өмір сүру сапасын арттыру мақсатында атқарылатын жұмыстар жалғасатын болады.
