Қазалыда тазалық акциясы жалғасуда
Бүгін «Таза Қазақстан» республикалық экологиялық акциясы аясында Әйтеке би кенті мен Қазалы қаласы және барлық ауылдық округтерде жаппай сенбілік шаралары ұйымдастырылды.Сенбілік жұмыстары барысында Әйтеке би кентінің орталық көшелерінде шөптер шабылып, бөтелкелер және басқада қоқыстарды теру жұмыстары жасалды. Сондай-ақ барлық елді мекендер бойынша аяқ су арықтары да тазартылды.
Әйтеке би кентінде өткен сенбілік жұмыстарын аудан әкімі Мейрамбек Шермағанбет аралап, әрбір аумақтың тазалығына қатысты жауаптыларға бірқатар тапсырмалар берді.
Жалпы тазалық шараларына мекеме қызметкерлерінен бөлек тұрғындар мен ерікті жастарда қатыстып, белсенділік танытты. Көшелер мен саябақтардан және басқа да орындардан терілген қоқыстар мен шабылған шөптер арнайы қоқыс төгетін орындарға шығарылды.
