ҚЫЗЫЛОРДА. ҚазАқпарат - Қызылорда облысы Шиелі ауданындағы Казпошта мекемесінің ішінен 66 миллион теңге көлеміндегі қаржыны ұрлаған 50 жастағы азамат ұсталды, деп хабарлады ҚазАқпарат тілшісі облыстық ІІД сілтеме жасап.

Оқиға 2017 жылдың желтоқсан айының 17-нен 18-не қараған түні болған. Белгісіз адам Шиелі кентінде орналасқан Казпошта ғимаратының ішіне пластик терезін ашу арқылы жасырын кіріп, еденде жатқан қапшық ішіндегі 66 000 000 теңгені  және  макаров тапаншасын ұрлап, оқиға болған жерден бой тасалайды. Жедел түрде іздестіру шаралары қабылданып, нәтижесінде Шиелі ауданының 1967 жылы туылған тұрғыны ұсталып, уақытша ұстау абақтысына қамалды. Аталған дерек Қазақстан Республикасы Қылмыстық кодексінің 188-бабы 4-бөлігі 3-тармағына сәйкес Сотқа дейінгі тергеп-тексерудің бірыңғай тізіліміне тіркеліп, тергеу амалдары жүргізілуде.  

inform.kz