Қазалы Қазалы аудандық қоғамдық-саяси газет
» » Озат еңбеккерлер автокөлікке ие болды

Озат еңбеккерлер автокөлікке ие болды

Қызылорда облысы әкімінің орынбасары Серік Қожаниязовтың қатысуымен Таң ауылдық округінде «Таң ЛТД» жауапкершілігі шектеулі серіктестігінің жыл қорытындысында озат еңбеккерлерді марапаттау рәсімі өтті. Бұл туралы ҚазАқпарат тілшісі облыстық әкімдікке сілтеме жасап хабарлады.
Ақ күріштен тау тұрғызған «Таң ЛТД» жауапкершілігі шектеулі серіктестігі 1163 гектар жерге сыр маржанын егіп, әр гектардан 67 центнерден астық жинап, жылды зор табыспен аяқтады. Жер ананың жомарттығының арқасында жаздайғы маңдай тердің берекелі биігіне шыққан «Таң ЛТД» жауапкершілігі шектеулі серіктестігінің озат еңбеккерлерін облыс әкімінің орынбасары С.Қожаниязов марапаттап, автокөлік кілтін табыстады.
Озат еңбеккерлер қатарында «Таң ЛТД» ЖШС-нің агрономы Е.Ақбергенов, өзіне бекітілген 45 гектар жерден, әр гектардан 80 центнерден өнім алған күрішші Ж.Шондыбаев, өзіне берілген 500 гектар жерден, әр гектардан 70 центнерден өнім алған Мырзабай ахун ауылының тұрғыны, бригадир Е.Базарбаев, үздік шаруашылық механизаторы С.Құлахметов бар.
Астық – Отан байлығы десек, сол байлықты төкпей-шашпай жинап алған дихан қауымы бүгінде зор қуанышқа кенелуде.
http://www.http.inform.kz
22 қараша 2017 ж. 168 0

Жаңалықтар мұрағаты

«    Тамыз 2018    »
ДсСсСрБсЖмСбЖс
 12345
6789101112
13141516171819
20212223242526
2728293031