Қазақстан құрамасында – алты финал

Финалдық жекпе-жектер 6 шілде күні Жақсылық Үшкемпіров атындағы Жекпе-жек сарайында өтеді

Фото: olympic.kz

Астанада өтіп жатқан World Boxing Кубогының ерлер арасындағы жартылай финалында Қазақстан құрамасының алты боксшысы финалға жолдама алды, – деп хабарлайды Аikyn.kz.

Өте ауыр салмақта (+90 кг) капитан Айбек Оралбай әзербайжандық Мұхаммед Абдуллаевты жеңіп, финалға шықты. Үшінші раундта төреші Абдуллаевқа нокдаун санады.

Сондай-ақ Санжар Ташкенбай (50 кг), Махмуд Сабырхан (55 кг), Сабыржан Аққалыков (75 кг), Нұрбек Оралбай (80 кг) және Бекзад Нұрдәулетов (85 кг) қарсыластарын жеңіп, финалға өтті.

Ал Ертуған Зейноллинов (65 кг) пен Сағындық Төгамбай (90 кг) жартылай финалда қарсыластарына жол беріп, қола жүлдегер атанды.

Финалдық жекпе-жектер 6 шілде күні Жақсылық Үшкемпіров атындағы Жекпе-жек сарайында өтеді.