Қазақстандық қос боксшы World Boxing әлем чемпионатының финалына шықты
Фото: instagram.com/boxingkazakhstanАҚШ-тың Пуэбло қаласында Word Boxing Халықаралық федерациясы ұйымдастырып жатқан 19 жастағы спортшылар арасындағы әлем чемпионатында қос спортшымыз финалға шықты, деп хабарлайды Skifnews.kz ақпарат порталы.
АҚШ-тың Пуэбло қаласында World Boxing ұйымының U19 Әлем чемпионатына төрт боксшымыз қатысты. Ұлттық құрамамыздан екі былғары қолғап шеберіміз финалға шықты. 65 келі салмақтың жартылай финалында Асылхан Көшербай украиналық спортшыдан басым түсті. Ол финалда Аустралиядан келген спортшымен алтынды сарапқа салады. Даниял Райымбеков 85 келіде финалға шығу жолында Оңтүстік Корея елінің боксшысын жеңді. Отандасымыз ақтық сында Уэльс өкілімен күш сынасады.
Айта кетейік, финалдық жекпе-жектер 2 қараша күні өтеді. Қос спортшымыздың да алтын алуға мүмкіндігі мол.
