Футболдан облыстық турнир өтті

Облыстық турнирге қазалылық аяқдопшылармен бірге Қармақшы, Сырдария, Арал, Жалағаш аудандарынан келген жас спортшылар бақ сынады.

Турнирдің ашылу салтанатында аудан әкімі Мейрамбек Шермағанбет құттықтау сөз сөйлеп, жарысқа қатысушыларға сәттілік тіледі. Сондай-ақ туған жердің өсіп өркендеуіне зор үлес қосқан ардақты азаматтың елге сіңірген еңбегі мен есімі бүгінгі ұрпаққа үлгі екенін жеткізді.

Тартысқа толы турнирдің қорытындысы бойынша, Әйтеке би кентіндегі №17 олимпиадалық резервтің мамандандырылған балалар-жасөспірімдер мектебінен жасақталған команда жоғары деңгейде ойын көрсетіп, турнир жеңімпазы атанды. Ал, жүлделі екінші, үшінші орындарды №18 Қазалы қаласының балалар-жасөспірімдер спорт мектебі мен Ақтан батыр ауылының командасы өзара бөлісті.

Еске алу турнирінде үздік ойын көрсеткен ойыншылар ұйымдастырушылар тарапынан ескерусіз қалмады. Осылайша «Үздік ойыншы», «Үздік қақпашы», «Үздік қорғаушы» номинациялары берілді.

Қаламгердің ұрпақтары мен қадірлі қонақтар жарысты қорытындылап, жеңімпаздарға марапаттарын табыстап, олардың жарқын болашағына ақжол тіледі.