Дәстүрмен бекітілген махаббат: Қызылордада Қозы Көрпеш және Баян Сұлу күні атап өтілді
15 сәуірде Қазақстанда Ғашықтар күні — аты аңызға айналған Қозы Көрпеш пен Баян Сұлуға арналған мереке атап өтіледі. Осы ерекше күні Қызылордада жас жұбайлар үшін салтанатты неке қию рәсімі өтті.Осы күні алғашқылардың бірі болып Дамир мен Ақерке Өтегеновтар некелерін заңдастырды. Жас жұбайлар бұл күнді кездейсоқ таңдамағанын мойындады - Қозы Көрпеш пен Баян Сұлудың оқиғасы оларды шынайылығымен шабыттандырады.
"Біз үйлену тойымыз үшін дәл осы күнді таңдағанымызға өте қуаныштымыз. Ол ерекше мағынаға толы және мәңгілік махаббатты бейнелейді. Біздің сезімдеріміз Қозы Көрпеш пен Баян Сұлу сияқты күшті болады деп үміттенеміз", — деп Дамир мен Ақерке өз сезімдерімен бөлісті.
"Азаматтарға арналған үкімет" мемлекеттік корпорациясының облыстық филиалының басшысы Аида Абибулаева осындай іс-шараларды өткізудің маңыздылығын атап өтті.
"Жастар отбасын құру үшін Өозы Көрпеш пен Баян Сұлу күнін — адал және шынайы махаббаттың бейнесін таңдайтыны символдық. Мұндай оқиғалар неке институтын нығайтып қана қоймай, біздің мәдени құндылықтарымыздың сақталуына ықпал етеді", — деп атап өтті Аида Ибрагимқызы.
Айта кетейік, бүгін қызылордалық 15 жұп осы күнді ерекше махаббат, адалдық және бақытты болашаққа деген үмітпен толтыра отырып, өз тағдырларын байланыстыруға шешім қабылдады.
