НАУРЫЗ ЖАҢАРУ МЕН ТАЗАЛЫҚ АЙЫ
Мемлекет басшысының тапсырмасымен қолға алынған «Таза Қазақстан» жалпыұлттық экологиялық акциясы еліміз бойынша биылда жалғасуда.Ұлыстың ұлы күні – Наурыз мерекесіне орай қазалылықтар жаппай сенбілікке шығып, туған жердің тазалығына бір кісідей атсалысты.
Тазалық жұмыстары барысында Әйтеке би кентінің шет аймақтары 5 квартал аймағындағы «Қарамайкөл», «Қазақ» қорымы айналасындағы шашылған қоқыстар жинастырылып, арнайы орындарға шығарылды. Бұл аумақтардағы тазалық жұмыстарына арнайы техникаларды жұмылдырылды.
Сонымен қатар сенбілікте Әйтеке би кентіндегі Т.Бөріқұлақов, Қ.Пірімов, Жанқожа батыр сияқты орталық көшелерге де тазалық жұмыстары қарқынды жүргізілді.
Әйтеке би кентінде өткен тазалық жұмыстарын аудан әкімі Мейрамбек Шермағанбет аралап, сенбілік жұмыстары жүргізіліп жатқан әрбір аймақ бойынша жауапты басшыларына бірқатар тапсырмалар берді.Бүгінгі еліміз бойынша наурыз мерекесі қарсаңында өткен жалпыхалықтық сенбілікке аудан тұрғындары да белсенді атсалысып, өздерінің аулалары мен көшелерін күл-қоқыстардан тазартты.
"ҚАЗАЛЫ" ақпарат
