“Көктемгі көшет” – көшелі іс
Қазалыда Ұлыстың ұлы күні – Наурыз мерекесі қарсаңында «Көктемгі көшет» тал егу акциясы ұйымдастырылды.Акцияға аудан әкімі Мейрамбек Шермағанбет қатысып, игі бастамаға қолдау білдірді. Аудан орталығы – Әйтеке би кентінде өткен ауқымды шараға түрлі сала қызметкері мен белсенді жастар және еріктілер қатысты. Олар орталық көше бойын көшетпен көмкерді. Мұнан бөлек Әйтеке би кентінің бірнеше аумағында ұйымдастырылған шараға көше комитеттері мен тұрғындар да атсалысып акция аясында қарағаш, сырталы сынды барлығы 100-ге жуық жас көшет отырғызылды.
Айта кетейік, мереке қарсаңында қазалылықтар тал егумен қатар тазалық шараларын да ұйымдастырып, экологиялық акцияға белсенді үлес қосуда.
Қазалы ауданы әкімінің баспасөз қызметі
