Қаржылық сауаттылықты арттыру курсының кезекті аптасы аяқталды
Бүгін аудан орталығы Әйтеке би кентінде «Қарызсыз қоғам» жобасы аясындағы тегін оқыту курсының кезекті аптасы аяқталды. Оқыту курсына қатысқан кент тұрғындары 2 топ бойынша жоба бойынша білімдерін жетілдіріп, қаржыға қатысты мәселелер қалай пайда болатынын, несиелік қарыздар санын азайтудың қандай жолдары барын, алаяқтық әрекеттерді анықтау бойынша білімдерін арттырды.
Бес күндік дәрісті 2 топ бойынша аяқтаған қатысушыларға аудандық партия филиалының төрағасы Ғазиз Әліш пен Атқарушы хатшысы Нұрғиса Жалғасбаев арнайы сертификат табыстады.
Өз кезегінде қатысушылар жобаның тиімділігі өте жоғары екенін айтып, ұйымдастырушыларға шынайы ризашылықтарын білдірді.
