Ауыл тұрғындарының «қарызсыз қоғам» жобасның оқыту курсынан өтті
Қаржылық сауаттылықты арттыруға бағытталған «Қарызсыз қоғам» жобасының оқыту курсының кезекті аптасы сәтті аяқталды. Апта ішінде Өркендеу, Бірлік, Аранды және Бозкөл ауылдық округінің 116 тұрғыны дәріс алды.Қатысушылар жалпы жоба бойынша білімдерін жетілдіріп, қаржыға қатысты мәселелер қалай пайда болатынын, несиелік қарыздар санын азайтудың қандай жолдары барын, алаяқтық әрекеттерді анықтау бойынша білімдерін арттырды.
Апталық дәрісті сәтті аяқтаған ауылдық округ тұрғындарына аудандық партия филиалының Атқарушы хатшысы Нұрғиса Жалғасбаев арнайы сертификат табыстады.
Өз кезегінде қатысушылар жобаның тиімділігі өте жоғары екенін айтып, ұйымдастырушыларға шынайы ризашылықтарын білдірді.
