Салық төлеу немесе артық төлемді кері қайтару электронды түрде жүргізіледі
Фото: gov.kzМемлекеттік қызметтердің 99 пайызы салық төлеушілерге электронды түрде қолжетімді, сондықтан Мемлекеттік кірістер органдарына барудың қажеті жоқ, деп хабарлайды BAQ.KZ.
Бұл туралы ӨКҚ алаңындағы брифингте Астана қаласы бойынша Мемлекеттік кірістер департаменті мемлекеттік қызметтер басқармасы басшысының міндетін атқарушы Айгүл Әлімова мәлімдеді.
Сұранысқа ие мемлекеттік қызметтің бірі - "салық есептілігін кері қайтарып алу" болып саналады. Осы жылдың 5 айында бұл қызмет 49 364 рет, барлығы электрондық түрде көрсетілді. Осы мемлекеттік қызметті көрсету тәртібі Мемлекеттік кірістер органдарының мемлекеттік қызметтер көрсету қағидаларына 13-қосымшада айқындалған, - деді Айгүл Әлімова.
Мемлекеттік қызмет көрсетудің екі тәсілі бар: біріншісі – көрсетілетін қызметті беруші және «Азаматтарға арналған үкімет «мемлекеттік корпорациясы» коммерциялық емес акционерлік қоғамы арқылы; екіншісі – «электрондық үкімет» www.egov.kz веб-порталындағы салық төлеуші кабинеті арқылы.
Мемлекеттік қызмет құжаттарды ұсынғаннан кейін 1 жұмыс күні ішінде электрондық (ішінара автоматтандырылған) және қағаз түрінде тегін көрсетіледі.
