Сенбілік – тазалық таразысы
Бүгін Қазалы ауданында жаппай сенбілік өтіп, аудан орталығы мен шет аумақтағы көшелер, сквер, саябақтар, базар аумақтарына тазалау жұмыстары ұйымдастырылды.Сенбілік жұмыстары барысында Әйтеке би кентіндегі В.Счастнов, Жанқожа батыр көшелерінің бойындағы көп қабатты үйлердің сырттарын әктеу, көше бойындағы ретсіз өскен шөптерді шабу, бордюрларды әктеу жұмыстары жүргізілді.
Сонымен қатар аудан орталығындағы Жеңіс саябағында ретсіз өскен, қурған ағаштар арнайы техника арқылы сыртқа шығарылды.
Аудан орталығының әрбір аймағындағы өткен сенбілік жұмыстарын аудан әкімі Мейрамбек Шермағанбет аралап көріп, тазалыққа қатысты орын алған кемшіліктерді жауапты басшыларға шұғыл түзеуді тапсырды.
Аудан тазалығы баршамызға ортақ! Сондықтан әрбір тұрғын таза аудан үшін сенбілік жұмыстарына атсалысуға, тұрғын үйлердің, аулалардың және көшелердің аумағындағы тазалық шараларына өз үлестерін қосуға шақырамыз!
