Ауданда сенбілік жұмыстары жүргізілді
Бүгін Қазалыда «Таза Қазақстан» республикалық экологиялық акциясы аясында жаппай сенбілік жұмыстары жүргізілді.
Сенбілік барысында Әйтеке би кентінің орталық көшелері мен шет аймақтар күл-қоқыстардан тазартылып, ағаш түптері мен бағаналарды әктеу, сырлау жұмыстары жүргізілді. Сонымен қатар орталық көшелерді жаңбыр суларынан тазарту жұмыстары жасалуда.
Аудан орталығындағы сенбілік жұмыстарын аудан әкімі Мейрамбек Шермағанбет аралап көріп, Әйтеке би кентінің әкімі Мұрат Әбсұлтановқа орталық көшелердің санитарлық тазалығына қатысты бірқатар тапсырмалар жүктеді.
Жалпы сенбілік барысында барлық елді мекендер бойынша 28.6 шақырым аяқ су арықтары тазартылып, қоқыстары арнайы орынға шығарылды.
Қазалы ауданы әкімінің баспасөз қызметі
