Қазалы ауданында сенбілік жұмыстары ұйымдастырылды.

Тазалық жұмыстары аудан орталығы - Әйтеке би кентінің Достық, Ғ.Мұратбаев, Р.Бағланова, Жанқожа батыр, Т.Бөріқұлақов көшелерінен бөлек, кенттің сырт жағындағы кіре беріс қақпа айналасында да жүрді.

Сондай-ақ, «Қазақ қорымы» аумағындағы қоқыстар және күзгі жапырақтар жиналып, Батыс Еуропа – Батыс Қытай автодәлізінде жол шеті қоқыстардан тазартылды.

Нәтижесінде 22,4 шақырым аяқ су арықтары тазартылып, қоқыстары арнайы орынға шығарылды. Бұл үшін 1922 адам, 14 техника жұмылдырылып, 33,9 тонна бей-берекетсіз қоқыстар және 24,7 тонна тұрмыстық қатты қалдықтар арнайы орынға шығарылды.

Сенбілікке аудан әкімі Мұхтар Оразбаев арнайы шығып, аудан тазалығы баршамызға бірнеше адам үшін ғана емес, баршаға ортақ міндет екенін айтты.