Марафон мәресіне жетті
Бүгін 4 маусым – ҚР Мемлекеттік рәміздер күніне орай Жастар ресурстық орталығы, «Жастар рухы» ЖҚ аудандық филиалының және «Жастар» бастауыш партия ұйымының ұйымдастыруымен жүгіру марафоны өтті.Мерекеге орай ұйымдастырылған марафонда қазалылықтармен қатар Қызылорда облысының әр түкпірінен келген желаяқтарда бақ сынады. Жарысқа қатысушылар Әйтеке би кентінің кіре беріс қақпасынан бастап 10 шақырымға жүгірді.
Жарыстың жеңімпазы қазалылық Нұртуған Сазанбай атанды. Жүлделі екінші орынды аралдық Мейірбек Файзуллаев иеленсе, жүлделі үшінші орын қазалылық марафоншы Ерасыл Қожақметке бұйырды.
Жеңімпаздар мен жүлдегерлерге Мемлекеттік рәміздер күніне орай өткен салтанатты шарада марапаттар және қаржылай сыйақыларды табысталды. Сондай-ақ, алғашқы болып келген спортшылар мен ең жас марафоншылар да марапатталды.
