Партиялық бақылау комиссиясының отырысы өтті
Бүгін аудандық партия филиалы жанындағы Партиялық бақылау комиссиясының кезекті отырысы өтті. Жиынға комиссия төрағасы Әділбек Сарабеков төрағалық етті.
Күн тәртібіне сәйкес ең алдымен Қазалы аудандық мансап орталығында 2023 жылға мемлекеттік бағдарламалардың орындалуы және халықты жұмыспен қамту көрсеткіштері туралы қаралды. Ол жөнінде орталық директоры Болатбек Баймаханов баяндады.
Өз кезегіне комиссия мүшелері жұмыссыз азаматтарды жұмыспен қамтудың белсенді шараларын жүргізу бойынша ұсыныстарын айтып, сондай-ақ «Алғашқы жұмыс орны», «Жастар тәжірибесі», «Қоғамдық жұмыс» шараларына сәйкес сауалдарын қойды.
Мұнан соң «AMANAT» партиясынан сайланған Қызылқұм ауылдық округі әкімінің cайлауалды бағдарламасының орындалуы туралы ауылдық округ әкімі Оңталап Мүсілім айтып берді. Күн тәртібінде қаралған бұл мәселе бойынша да ұсыныстар айтылып, тиісті қаулылар қабылданды.
