Жиын күн тәртібіне сәйкес үш мәселе қаралды. Бірінші кезекте Мемлекет басшысының кезекті Жолдауындағы басым бағыттар жөнінде Әділбек Сербайұлы тоқталып өтті. Мұнан соң комиссия құрамы Қазалы ауданы бойынша білім бөлімінің басшысы Әділхан Жөлекешовпен білім беру ұйымдарының жылу беру маусымына дайындығын пысықтады.

Сондай-ақ күн тәртібіндегі үшінші мәселе әлеуметтік санаттағы азаматтардың жұмыспен қамтылуы және оңалту мен оңалтудың жеке бағдарламасының орындалуы туралы аудандық жұмыспен қамту және әлеуметтік бағдарламалар бөлімі басшысының орынбасары Мұратбек Нағашыбаев хабарлама жасады.

Күн тәртібіндегі мәселелер бойынша ұсыныстар айтылып, партияның сайлауалды бағдарламасын іске асыру аясындағы өңірлік Жол карта бойынша сауалдар қойылды. Сонымен бірге отырыс қорытындысымен қаулылар қабылданды.

#AMANAT