Қызылорда облысында егін жинау науқаны жалғасып жатыр
Бүгінде Сыр өңірінде күзгі егін жинау науқаны қызу жүруде. Ал осы жылы ерте егілген ауыл шаруашылығы дақылдарын жинау жұмыстары толық аяқталды. Нақтырақ айтқанда, күздік бидайдан – 7.0 мың тонна, жаздық бидайдан – 3,2 мың тонна, арпадан – 209 тонна өнім жиналды. Ал егілген күріштің 63,1 мың гектары орылып, 285,3 мың тонна Сыр салысы қамбаға құйылды.Бұл жөнінде Қызылорда облысының Өңірлік коммуникациялар қызметінің ақпарат алаңында облыстық ауыл шаруашылығы және жер қатынастары басқармасы басшысының орынбасары Қайратбек Сәрсенбаев хабарлады.
