2023 жылы Қазақстанда жаңа салық кодексі дайындалады – Тоқаев
Қасым-Жомарт Тоқаев Қазақстан халқына жолдау жариялап, 2023 жылы елде жаңа салық кодексінің дайындалатынын мәлімдеді, деп хабарлайды Stan.kz ақпарат агенттігі.Президент салық кодексіндегі салықтық әкімшілендіру бабында мәселенің көп екенін атап өтті.
"Тұрақты экономикалық өсім тікелей салық саясатына байланысты. Қазыналық реттеуді қайта жүктеу мақсатында 2023 жылы жаңа салық кодексі дайындалады. Ондағы мәселе ең көп салықтық әкімшілендіру бабы толығымен жаңаруы керек", – деді ол.
Сонымен қатар Тоқаев салық бақылауын толықтай цифрландыру керегін айтты.
"Тағы бір басымдық – салықтық ынталандырудың тиімділігін арттыру. Бұл үшін экономиканың түрлі секторларында дифференцияланған салық ставкасына өту керек", – деп қосты Тоқаев.
