Қазалылық қос ұстаздың жетістігі
Облыс орталығында шәкіртіне білім мен тәрбие беруде еңбегімен айрықша көзге түсіп, аймақтың білім саласының дамуына ерекше үлес қосқан ұстаздар марапатталды.«Мәртебелі ұстаз – ел мерейі» атты салтанатты шарада облыс әкімі Гүлшара Әбдіқалықова «Қызылорда облысының білім беру саласын дамытудағы еңбегі үшін» төсбелгісі мен 833 мың теңгені құрайтын бірретік сыйақыны мұғалімдерге табыс етті.
Биыл алғаш рет тағайындалған ерекше төсбелгіге Қазалы ауданы бойынша Б.Мергенбаев атындағы №226 мектеп-гимназия мұғалімі Нұргүл Балғараева лайық деп танылды.
Ал, Қазалы қаласындағы аграрлы-техникалық колледжінің мұғалімі Жания Ысмағұл аймақ басшысының атынан 10 ұстаз 300 айлық есептік көрсеткіш мөлшеріндегі бірретік сыйақының иегері атанды.
