Қазалыда мобильдік топтың жұмысы жалғасуда
Қазалыда Қызылорда облысы Бас мемлекеттік санитарлық дәрігерінің қаулысында көрсетілген талаптарды орындау мақсатында құрылған мобильдік топ жұмысы жалғасуда.Аудан әкімінің орынбасары Әліби Әбиев бастаған мобильдік топтың мүшелері түнгі уақытта рейдке шығып, мейрамхана, кафе, магазин, қоғамдық тамақтану орындары мен азық-түлік дүкендерін аралады.
Рейд барысында бірқатар тамақтану орындарының қызметкерлері тұрғындарға медициналық маска және қолғапсыз қызмет көрсетіп жүргендері анықталды. Сол жерде қауіпсіздік шараларын сақтамаған кәсіпкерлерге хаттама толтырылды. Сондай-ақ, бірқатар сауда нысандарына ескетулер берілді.
Қазалы ауданы әкімінің баспасөз қызметі
