Бүгін Қазалы ауданы тұрғындары арасында қауіпсіздік шараларын қамтамасу ету мақсатында ауданның бас санитарлық дәрігерінің қаулысы шықты. Осы қаулыға сәйкес Қазалы ауданында коронавирус инфекциясының таралып кетуінің алдын алу мақсатында бірқатар сауда орындары өз жұмысын тоқтатады.

Азық-түлік гипермаркеттерінің, оптомаркеттерінің, супермаркеттердің, дүкендердің, азық-түлік сөрелерінің және бірінші кезекте қажетті тауарлар саудасының жұмысына күшейтілген санитарлық-дезинфекциялық режиммен сағат 8:00-ден 22:00-ге дейін, ал азық түлік базарларында сағат 10:00-18:00 аралығында рұқсат етіледі. Базарлардағы киім-кешек, ыдыс-аяқ және басқа да заттар сататындар өз жұмысын 15 сәуірге дейін уақытша тоқтатады.

Ал, дәріханалар санитарлық-дезинфекциялық күшейтілген режимде жұмыс істейді.

Аудандағы мейрамханалар мен дәмханалардың, кафелердің, шайхана мен асханалардың, автокөлік жуу, монша, шаштараз, сұлулық салондарының жұмысы туралы Қазалы ауданының бас санитарлық дәрігерінің қаулысынан оқып, танысуға болады.