Қызылорда қаласы №2 олимпиадалық резерв мектебінде алғаш рет киокушинкайкан каратэден республикалық турнир өтті. ҚР Тәуелсіздігі аясында өткізілген турнирге 6-17 жас аралығындағы 150 жасөспірім 24 салмақ дәрежесінде сынға түсті.

Жарыс қорытындысы бойынша облыс спортшылары 3 алтын, 3 күміс, 4 қола медальдармен жалпыкомандалық есепте 3-орынды еншіледі. Бірінші орынды – Орал қаласы, екінші орынды - Астана қаласының командалары алды.

Облыстық дене шынықтыру және спорт басқармасы мен облыстық киокушинкайкан федерациясының ұйымдастыруымен өткізілген жарысқа Астана қаласы, Батыс Қазақстан, Оңтүстік Қазақстан, Жамбыл және Қызылорда облыстарынан 6 команда қатысты.

Жарыстың жеңімпаздары мен жүлдегерлеріне диплом және медальдар табысталды.