Қазалы Qazaly.kz ақпараттық агенттігі
» » Пхенчхан-2018: Медальдық есепте көш бастап тұрған елдер

Пхенчхан-2018: Медальдық есепте көш бастап тұрған елдер

Оңтүстік Кореяда өтіп жатқан қысқы Олимпиада ойындарының 16 ақпан күнгі жарыс нәтижелері бойынша көш бастап тұрған елдердің тізімі өзгеріссіз қалды, деп хабарлайды ҚазАқпарат тілшісі.
Жалпы есепте үздік бес мемлекеттің алдында Германия тұр. Неміс спортшыларының еншісінде 9 алтын, 2 күміс және 4 қола медаль бар. Екінші орынға 6 «алтын», 8 «күміс» және 5 «қоламен» норвегиялықтар орналасып отыр. Ал 6 алтын, 5 күміс және 3 қола медальдары бар Нидерланды құрамасы әзірге үшінші орында. АҚШ спортшылары төртінші келеді, олардың еншісінде 5 алтын, 1 күміс және 2 қола жүлде бар. ТОП-бестікті осы уақытқа дейін 4 «алтын», 5 «күміс» және 4 «қола» жеңіп алған Канада елі түйіндеп тұр.
Ал 21-орынға орналасып отырған Қазақстан құрамасында әзірге бір қола медаль бар. Жалғыз жүлдені ел қоржынына 11 ақпан күні фристайлшы Юлия Галышева салған болатын. Еске салайық, 9 ақпанда алауы тұтанған Ақ Олимпиада ойындарына Қазақстан спортшылары 57 жолдама жеңіп алған болатын. Олар спорттың 9 түрінен ел намысын қорғап жатыр. Ал жалпы Олимпиада ойындарында спорттың 15 түрінен 102 медаль жиынтығы сарапқа салынады. Жарыс 25 ақпанда аяқталады.  
 inform.kz

17 ақпан 2018 ж. 1 369 0

Жаңалықтар мұрағаты

«    Наурыз 2024    »
ДсСсСрБсЖмСбЖс
 123
45678910
11121314151617
18192021222324
25262728293031