БЕКЗАТ НҰРДӘУЛЕТОВ ҚЫРКҮЙЕК АЙЫНЫҢ ҮЗДІК СПОРТШЫСЫ АТАНДЫ
Қазақстан Ұлттық Олимпиадалық комитетінің ресми сайтында «Қыркүйектің ең үздік спортшысына» дауыс беру аяқталды. Дауыс беру нәтижесі бойынша Бекзад Нұрдәулетов жеңіске жетті. Қыркүйек айының үздігі атануға 6 спортшы үміткер болды. Олар: Бекзад Нұрдәулетов (бокс), Қамшыбек Қоңқабаев (бокс), Нұрқожа Қайпанов (еркін күрес), Дәулет Ниязбеков (еркін күрес), Игорь Сон (ауыр атлетика), Хорлан Жақанша (грек-рим күресі). Дауыс беру бүгін сағат 13:00-де тоқтатылды. Нәтижесінде, 43,07 пайызбен Бекзат Нұрдәулетов топ жарды. 23,34 пайызбен Хорлан Жақанша екінші орынға жайғасса, 22.08 дауыс жинаған Нұрқожа Қайпанов үшінші орынға ие болды.
